កូនល្អ! អ្នកនាង ខាត់ សុឃីម ជូនកាដូរពិសេសដល់អ្នកមានគុណសុទ្ធផ្ទះមួយខ្នងយ៉ាងធំក្នុងទិវាបុណ្យនៃក្ដីស្រលាញ់

158

ភ្នំពេញ ៖ ប្រិយមិត្តប្រាកដជាបានស្គាល់តារាស្រីដែលមានទេពកោសល្យជាច្រើនផ្នែក អ្នកនាង ខាត់ សុឃីម ដែលអ្នកនាង ជាតារាចម្រៀង សម័យ និងបុរាណ ដែលមានប្រជាប្រិយភាពយ៉ាងខ្លាំង មានមហាជនជាច្រើនគាំទ្រ។យ៉ាងណាមិញ តារាស្រីរូបនេះឈានជើងចូលប្រឡូកក្នុងវិស័យសិល្បៈយូរឆ្នាំមកហើយ ប៉ុន្តែសម្រាប់កេរ្តិ៍ឈ្មោះនៅតែល្បីល្បាញ មិនចាញ់ក្មេងជំនាន់ក្រោយទេ។ មិនត្រឹមតែប៉ុណ្ណោះ បើងាកមកមើលពីការងារក្នុងវិស័យសិល្បៈ នាងហាក់ជាមានភាពមមាញឹកយ៉ាងខ្លាំង ទាំងការងារលើឆាកតន្ត្រី និងការងារកាត់សក់តាមរោងការជាដើម។ជាក់ស្ដែង ថ្ងៃទី ១៤ ខែកុម្ភៈ នេះ ជាទិវានៃក្ដីស្រលាញ់

បើទោះបីជាមិនមែនជាបុណ្យប្រពៃណីរបស់ជនជាតិខ្មែរយើងមែនតែតារាស្រីរូបនេះ និងស្វាមី បានជូនកាដូយ៉ាងធំជូនទៅដល់អ្នកមានគុណគឺ ជាផ្ទះវីឡាថ្មីមួយ ដែលធ្វើអស់ពេលជាច្រើនខែមកនេះ ទុកសម្រាប់លោកពុក អ្នកម៉ែនាងបានរស់នៅ ហើយអ្នកនាងបន្ថែមថា៖

ថ្ងៃ បុណ្យក្តីស្រលាញ់ កូនទាំង២ សូមប្រគល់ផ្ទះ(ក្តីស្រលាញ់) ជូនម៉ែពុក ដែលជាក្តីស្រម៉ៃកូនតាំងតែពីយូ កូនទាំង២នឹងចៅៗ សូមជូនពរពុកនឹងម៉ែ មានសុខភាពល្អ។ទង្វើដ៏ល្អនេះ បានធ្វើឲ្យមហាជនជាច្រើន ពិតជាពេញចិត្តខ្លាំង ដែលនាងបានចំណាយនូវពេលវេលា និងវត្ថុដ៏មានតម្លៃ ធ្វើឲ្យអ្នកមានគុណទាំងពីរមានស្នាមញញឹម ក្នុងថ្ងៃដ៏ពិសេសនេះ៕ប្រភព៖ហ្វេសប៊ុក